Më 21 dhe 22 shtator 2026, në Qendrën e Burimeve për Hartimin e Politikave dhe Buxhetimin me Perspektivë Gjinore, në kuadër të Ministrisë së Politikave Sociale, Demografisë dhe Rinisë, u mbajt një trajnim dyditor me titull "Trajnim bazë mbi gjininë, barazinë gjinore dhe integrimin e perspektivës gjinore në politikat publike".

Trajnimi kishte për qëllim avancimin e barazisë gjinore dhe forcimin e kapaciteteve institucionale për integrimin e perspektivës gjinore në proceset e hartimit të politikave publike, planifikimit strategjik, buxhetimit dhe monitorimit të politikave.

Në trajnim morën pjesë përfaqësues të njësive të vetëqeverisjes vendore, të cilët patën mundësinë të zgjeronin njohuritë dhe të përmirësonin aftësitë praktike lidhur me barazinë gjinore dhe zbatimin e perspektivës gjinore në veprimtaritë në nivel lokal.

Trajnimi trajtoi konceptet themelore lidhur me gjininë dhe barazinë gjinore, rëndësinë e integrimit të perspektivës gjinore në politikat publike, si dhe rolin e vetëqeverisjes vendore në krijimin e politikave dhe masave që adresojnë nevojat e ndryshme të grave dhe burrave.

Një theks i veçantë iu vu zbatimit praktik të njohurive të fituara dhe identifikimit të mundësive për avancimin e barazisë gjinore brenda proceseve vendore të hartimit të politikave, planifikimit strategjik dhe buxhetimit. Trajnimi u organizua nga Departamenti për Politika dhe Buxhetim me Perspektivë Gjinore, në kuadër të Sektorit për Mundësi të Barabarta (në Ministrinë përkatëse), me mbështetjen e projektit të financuar nga Bashkimi Evropian "Asistencë teknike për përmirësimin e mjedisit mundësues për organizatat e shoqërisë civile në Republikën e Maqedonisë së Veriut".

Aktivitete të tilla kontribuojnë në forcimin e vazhdueshëm të kapaciteteve institucionale dhe në krijimin e kushteve për integrimin më efektiv dhe sistematik të perspektivës gjinore në politikat publike dhe në proceset e qeverisjes vendore.