Qendra burimore për krijimin e politikave dhe buxhetim të përgjegjshëm gjinor, është formuar nga Ministria e Punës dhe Politikës Sociale (MPPS) në partneritet me zyrën e UN Women në Maqedoninë e Veriut (Vendin i Qeverisë së Maqedonisë së Veriut për formimin e Qendrës Burimore).

Qendra ka për qëllim të ndihmojë Republikën e Maqedonisë së Veriut në përpjekjet për aplikim sistematik dhe të qëndrueshëm të buxhetimit të përgjegjshëm gjinor si mjet në hartimin e politikave dhe proceset buxhetore.

Qendra Burimore ofron trajnime për avancimin e kapaciteteve të nëpunësve shtetëror në fushën e barazisë gjinore dhe buxhetimit të përgjegjshëm gjinor.

Paraqet qendër për njohuri dhe ofron hulumtime, analiza dhe burime të tjera në lidhje me barazinë gjinore dhe buxhetimin e përgjegjshëm gjinor.

Qendra Burimore ofron mentorim dhe mbështetje për integrimin e perspektivës gjinore në menaxhimin me financat publike, planifikimin strategjik dhe krijimin e politikave për institucionet shtetërore.

Puna e Qendrës Burimore zhvillohet në hapësira të veçanta të MPPS-së, në qendër të Shkupit dhe përmes kësaj platforme online.

Qendra Burimore për krijim të politikave dhe buxhetim të përgjegjshëm gjinor është hapur nga Ministria e Punës dhe Politikës Sociale, në kuadër të projektit “Promovim i politikave dhe buxheteve të përgjegjshme gjinore: drejt qeverisjes transparente, gjithëpërfshirëse dhe të përgjegjshme në Republikën e Maqedonisë së Veriut”, të implementuar nga UN Women, me mbështetje financiare nga Agjencia Zvicerane për Zhvillim dhe Bashkëpunim dhe Agjencia Suedeze për Bashkëpunim dhe Zhvillim Ndërkombëtar - Sida.