Во изминатите денови во Ресурсниот центар за родово одговорно креирање на политики и буџетирање се одржаа менторски сесии за зајакнување на капацитетите на менторите во Секторот за еднакви можности за вклучување на родовата перспектива во буџетите на институциите.
Целта на менторската програма е пренесување на знаења и вештини за креирање родово одговорни политики и буџети обезбедени од експертите за родови прашања (менторот) до претставниците на институцијата (менторираните).
Новите активности имаат за цел да обезбедат експертска поддршка преку организирање менторски сесии и стручни консултации за поддршка на државните службеници во ефективна примена на алатките за РОБ.
Основната цел е да се осигура дека владините политики и буџети ги рефлектираат и одговараат на потребите и на жените и на мажите, особено фокусирајќи се на најранливите групи.
Менторските сесии се реализираат во соработка со UN Women и техничка поддршка од Центарот за управување со промени – ЦУП
