Работилница на тема: „Координиран институционален одговор за заштита од насилство врз жените во Република Северна Македонија“.

Во Ресурсниот центар за родово одговорно креирање политики и буџетирање, Центарот за управување со кризи, во соработка со Министерството за социјална политика, демографија и млади и со поддршка од канцеларијата на UN Women – Скопје, ја одржа работилницата на тема: „Координиран институционален одговор за заштита од насилство врз жените во Република Северна Македонија“. На работилницата учествуваа претставници од државните институции и граѓанскиот сектор кои имаат надлежности во областа на координацијата, комуникацијата и заштитата на жените од насилство. Фокусот беше ставен на институционалната и законската рамка за спречување и заштита од насилство врз жените во Република Северна Македонија. Во рамки на програмата, раководителката на Одделението за спречување и заштита од насилство врз жени и семејно насилство при Министерството за социјална политика, демографија и млади, г-ѓа Лидија Штерјов, одржа презентација за меѓународната и националната правна рамка за справување со насилството врз жените и семејното насилство, со посебен осврт на механизмите за помош, поддршка и заштита на жртвите, како и на значењето на мултисекторската соработка. Советниците и координаторки за родова еднаквост при Центарот за управување со кризи, Севим Јакуп и Енисер Нуредини, пред присутните го презентираа Системот за управување со кризи, надлежностите на Центарот и функционирањето на Единствениот број за итни повици 112. Дополнително, беа презентирани и позитивни практики од функционирањето на системите за заштита во други земји. Целта на работилницата беше да се зајакнат соработката и координацијата меѓу релевантните институции во справувањето со насилството врз жените, како и да се унапреди ефикасноста на институционалниот одговор во случаи на семејно и родово базирано насилство. Преку вакви активности се придонесува кон подобрување на институционалната подготвеност, навремената реакција и обезбедувањето ефективна заштита и поддршка за жените жртви на насилство.

Сподели:

Петта седница на Интерресорска консултативна и советодавна група за еднкви можности на жените и мажите

На 20 мај 2026 година, во Ресурсниот центар за родово одговорни политики и буџетирање се одржа петтата седница на Интерресорската консултативна и советодавна група за еднакви можности на жените и мажите. Во рамките на седницата, претставничка од Национална федерација на фармери ги презентираше резултатите од истражувањето за решавање на статусот на регистрираните земјоделки во делот на породилното отсуство. Презентацијата отвори значајна дискусија за потребата од унапредување на законските и институционалните решенија со цел обезбедување поголема социјална заштита и еднакви можности за жените во земјоделството. На седницата беше презентирана и информација за иницијалниот состанок на иницијативата „50:50“, насочена кон унапредување на родовата еднаквост и поттикнување на еднакво учество на жените и мажите во процесите на донесување одлуки. Членките  разменија мислења и предлози за натамошни активности и мерки кои ќе придонесат за поефикасно спроведување на политиките за еднакви можности и зајакнување на меѓуинституционалната соработка во оваа област.  

Сподели:

Состанок на Работната група за подготовка на стандарди за воспоставување на Центар за дневно и привремено прифаќање на жртви на трговија со луѓе

На 15 мај 2026 година, во Ресурсниот центар за родово одговорно креирање политики и буџетирање, се одржа состанок на Работната група за подготовка на стандарди за воспоставување на Центар за дневно и привремено прифаќање на жртви на трговија со луѓе. На средбата учествуваа претставници од Министерство за социјална политика, демографија и млади, Министерство за Внатрешни работи, здружение на граѓани и експерти. На состанокот се дискутираше по нацрт-постапките и процедурите за упатување и сместување, исто така беа разгледани и принципите за постапување на жртви на трговија кои ќе бидат дел од документот.  

Сподели:

Имплементација на ревидираните Стандардни Оперативни Проецедури за жртви на трговија со луѓе

Состанок посветен на ,, Имплементација на ревидираните Стандардни Оперативни процедури за жртви на трговија со луѓе“ организиран во име на Националната комисија  за борба против трговија со луѓе, а поддржан од регионалниот проект на Европска унија,, Поддршка на ЕУ за зајакнување на борбата против криумчарењето мигранти и трговија со луѓе од Западен Балкан“ (EU4FAST).Целта  на овој состанок е да обезбеди поддршка на   понатамошната имплементација на СОП  за жртви на трговија со луѓе , и да овозможи осврт на постигнатиот напредок  во имплементацијата на реведираните СОП во предходниот период, како и размена на искуства  и мислења од страна на чинителите  од релевантните институции вклучени во мултидисциплинарната идентификација и упатување на жртви.

Сподели:

Работна средба „Застапеност и влијание на жените во политиката и постигнување на паритет 50/50“

На 21 април,  во Ресурсниот центар за родово одговорно креирање политики и буџетирање, се одржа работна средба на тема „Застапеност и влијание на жените во политиката и постигнување на паритет 50/50“. Целта на средбата беше да се отвори дискусија за постојните предизвици во законодавството и во практиката во однос на застапеноста и влијанието на жените во политиката, како и да се разгледаат конкретни предлози за унапредување на Изборниот законик во насока на постигнување паритет 50/50 на локално и национално ниво. На средбата учествуваа преставнички на Министерството за социјална политика, демографија и млади, Министерството за правда, членки на Интер ресорската група за еднакви можности на жените и мажите, како и граѓански организации кои работат во областа на родова еднаквост.

Сподели:

Јавна дебата на тема: "Национална стратегија за превенција и заштита од родово-базирано насилство врз жени и семејно насилство 2026-2033 со Акциски план 2026-2029"

Сподели: