Gjatë trajnimit u diskutuan parimet dhe konceptet themelore të buxhetimit të përgjegjshëm ndaj gjinisë, rëndësia e integrimit të perspektivës gjinore në proceset buxhetore, si dhe lidhja midis politikave publike, planifikimit strategjik dhe ndarjes së burimeve financiare.
Theks i veçantë iu vu zbatimit praktik të njohurive të fituara në proceset e buxhetimit lokal, me qëllim njohjen e nevojave të ndryshme të grave dhe burrave dhe promovimin e mundësive të barabarta përmes planifikimit dhe ndarjes së fondeve publike.
Trajnimi u organizua nga Departamenti për Politika të Përgjegjshme ndaj Gjinisë dhe Buxhetim të Përgjegjshëm ndaj Gjinisë në Sektorin për Mundësi të Barabarta në Ministrinë e Politikës Sociale, Demografisë dhe Rinisë, me mbështetjen e projektit të financuar nga Bashkimi Evropian "Mbështetje Teknike për Përmirësimin e Mjedisit Mundësues për Organizatat e Shoqërisë Civile në Republikën e Maqedonisë së Veriut".
Aktivitete të tilla kontribuojnë në forcimin e vazhdueshëm të kapaciteteve institucionale të njësive të vetëqeverisjes lokale dhe promovimin e zbatimit të buxhetimit të përgjegjshëm ndaj gjinisë, me qëllim krijimin e politikave më gjithëpërfshirëse dhe përdorimin më efikas, transparent dhe më të drejtë të fondeve publike.
