Соопштенија и интервјуа
Новости
Основи и рамка на родовата перспектива во стратешкото планирање
Ресурсниот центар за родово одговорни политики и буџетирање на 11 и 12 ноември 2025 година успешно ја реализира обуката „Основи и рамка на родовата перспектива во стратешкото планирање“, наменета за административни службеници од различни институции. Обуката беше одлична можност за продлабочување на знаењата и практичните вештини потребни за интегрирање на родовата перспектива во процесите на стратешко планирање и креирање јавни политики. Учесниците имаа можност да стекнат цврсто разбирање на основните концепти поврзани со родот и родовата еднаквост, да научат како се применуваат алатки за родова анализа во институционалниот контекст и да го продлабочат знаења за системско интегрирање на родовата перспектива во сите фази на стратешко планирање – од анализа, поставување цели и индикатори, до буџетирање и евалуација. Особено значајни беа практичните вежби, дискусии и анализи на студии на случај, кои им овозможија на учесниците да ги применат стекнатите знаења во реални сценарија. Овој практичен пристап ја засили свесноста за важноста на родово одговорното планирање и покажа конкретни начини како институциите можат да ги унапредат постоечките процеси и документи. Обуката ја организираме со експертска поддршка на UN Women, а спроведена од Центарот за управување со промени, како и од вработените на Секторот за еднакви можности- одделение за родово одговорни политики и родово одговорно буџетирање при Министерство за социјална политика, демографија и млади.
Родовата еднаквост и антикорупција
Во Ресусниот центар за родово одговорно креирање на политики и буџетирање во текот на оваа недела се спроведоа две дводневни обуки за родовата еднаквост и антикорупцијата во соработка на UN Women и Канцеларијата на заменик-претседателот на Владата задолжен за политики за добро владеење,со поддршка на Министерството за социјална политика, демографија и млади и Шведска.
Академија за зајакнување на капацитети на Истражувачкиот центар
Во текот на октомври и ноември 2025 година, во Ресурсниот центар за родово одговорно креирање на политики и буџетирање се одржува Академија за зајакнување на капацитети на Истражувачки центар на Министерството за социјална политика, демографија и млади.
Летна школа 25-28 Август
Министерството за социјална политика демографија и млади во соработка со Германското друштво за меѓународна соработка- ГИЗ организираше летна школа која се одржа од 25 – 28 Август во Ресурсниот центар за родово одговорно креирање на политики и буџетирање.
Втор ден од летната школа за родова еднаквост
На вториот ден од одржување на летната школа, учесниците презентираа за политиките и механизмите за родова еднаквост во своите држави, како и за предизвиците со кои се соочуваат при нивна реализација.
Млади од регионот учествуваат во Летната школа за родова еднаквост во Ресурсниот центар за родово одговорно креирање на политики и буџетирање
Министерот за социјална политика демографија и млади, Фатмир Лимани денеска ги поздрави младите – учесници на Летната школа за родова еднаквост, која се одржува од 25 – 28 Август во Ресурсниот центар за родово одговорно креирање на политики и буџетирање.Летната школа за родова еднаквост ги обедини младите до 35 годишна возраст од регионот– вработени во администрација и има за цел зајакнување на знаењата за родовата еднаквост и младите да ги разберат придобивките од интеграцијата на родовата перспектива во политиките и јавните буџети.Истата се реализира во соработка со Германското друштво за меѓународна соработка- ГИЗ.
