Соопштенија и интервјуа
Новости
Одржани менторинг сесии за стратешка комуникација на услугите за превенција и заштита на родово-базирано насилство врз жени и семејно насилство
Министерството за социјална политика, демографија и млади со поддршка на УНФПА и Амбасадата на Обединетото Кралство изминативе години со сериозен пристап работеше на превенцијата, заштитата и спречувањето на родово - базираното насилство врз жени и семејно насилство. Покрај работата на стратешки документи, законски и подзаконски решенија, се работеше и на подигање на свеста на јавноста согласно Планот за стратешко комуницирање на услугите за родово-базирано насилство и семејно насилство кој што Министерството го води и спроведува преку кампањи на оваа тема. Како дел од проектните активности со партнерите се и менторинг сесиите за стратешка комуникација на услугите за превенција и заштита на родово-базирано насилство врз жени и семејно насилство. Досега се реализираа шест менторинг сесии, со можност за дополнителни сесии согласно потребите. Земајќи предвид дека во областа на родово-базирано насилство врз жени и семејно насилство се вклучени повеќе министерства и важноста на мултисекторскиот пристап, последните сесии се организираат со учество на лицата кои работат во односи со јавност од релевантните министерства - за внатрешни работи, за правда, за здравство и за образование.
Одржан координативен состанок помеѓу претставници на министерството и донаторската заедница
Претставници на министерството за социјална политика, демографија и млади денеска одржаа координативен состанок со донаторската заедница која работи на прашања во областа на родова еднаквост во нашата држава, со цел меѓусебно информирање за активностите на министерството во оваа област.
Основите на дискриминација, препознавање на дискриминација и расна дискриминација
Министерството за социјална политика, демографија и млади спроведе две еднодневни обуки на ден 29.12 и 30.12.2025 година, во Ресурсниот центар за родово одговорни политики и буџетирање. Обуките беа наменети за стручните лица од ЈУ Меѓуопштински центар за социјална работа на град Скопје и претставници од стручните служби од детските градинки во Скопје. Целта на обуката е да се препознае дискриминацијата, да се реагира и да се поттикне на еднаквост и инклузивност во општеството. Обуката е подржана од Советот на Европа , преку програмата за борба против омразата и нетолеранција на Хоризонталниот инструмент Западен Балкан и Турција.
Основна обука за родово одговорно буџетирање
На 24 декември 2025 година, во Ресурсниот центар за родово одговорно креирање на политики и буџетирање, успешно се одржа Основна обука за родово одговорно буџетирање.
Реализирани обуки за зајакнување на капацитетите за родово одговорни политики
Министерството за социјална политика, демографија и млади, во рамките на своите континуирани активности и со поддршка на UN Women, успешно реализираше две дводневни обуки наменети за административни службеници за зајакнување на капацитетите за родово одговорно креирање на политики и буџетирање.
Одржана обука за родова еднаквост и воведување на родовата перспектива во јавните политики
Министерството за социјална политика, демографија и млади, согласно Планот и програмата на Ресурсниот центар за родово одговорно креирање на политики и буџети, на 17 декември 2025 година организираше обука наменета за зајакнување на капацитетите за родово одговорно креирање на политики и буџетирање.
